– 70 sivile funne drepne utanfor Mosul
(NPK-NTB-DPA): 70 drepne sivile skal ha blitt funne i ein landsby utanfor Mosul i Irak, ifølgje FN.
FN strekar under at det er vanskeleg å få stadfesta opplysningar frå kampane ved den irakiske storbyen. Men om lag 70 døde sivile med skotskadar skal vera funne i landsbyen Tulul Naser.
Iraks regjeringsstyrkar, ei rekkje militsgrupper og styrkar frå fleire andre land er med i offensiven mot IS-kontrollerte Mosul. Det verkar som IS er i ferd med å massakrera sivile i området, ifølgje FN. (©NPK)