– Irakiske styrkar har gjenerobra kristen by ved Mosul
(NPK-NTB-AFP): Iraks spesialstyrke mot terrorisme (CTS) gjenerobra torsdag full kontroll over Bartella, ein liten kristen by aust for Mosul som tidlegare var under IS' kontroll.
Det fortel kommandør for CTS, Taleb Sheghati al-Kenani, i ei TV-sendt erklæring.
– Eg erklærer til folket i Bartella og Mosul at vi har fullstendig kontroll over Bartella. Innbyggjarar, kyrkjer, og all infrastruktur er nå under CTS' kontroll, sa han.
Bartella ligg mindre enn 15 kilometer unna den austlege utkanten av Mosul, og hadde før IS kom like under 10.000 innbyggjarar, som alle vart drivne på flukt.
Kenani understrekar at gjenerobringa av byen, ein av stadene der irakiske styrkar no er nærmast Mosul, er ein viktig nøkkel i offensiven mot Mosul som begynte måndag. (©NPK)