Adressa: Kjempebod på RBK-profil
Den italienske Serie A-klubben Atalanta skal vera villig til å betala meir enn 30 millionar kroner for Rosenborg-profilen Anders Trondsen.
Det er Adresseavisen som måndag hevdar å kjenna til at RBK skal ha fått eit bod med ei totalramme på rundt 32 millionar kroner frå italienarane.
Atalanta skal vera villig til å leggja drygt 20 millionar kroner på bordet no, samtidig som klausular og bonusar gjer at den potensielle avtalen kan gje ytterlegare ti millionar i klubbkassa på Lerkendal på sikt.
Serie A-klubben skal ha følgt Trondsen med interesse i lang tid.
Verken rådgjevarane til midtbanespelaren eller sportsleg leiar i Rosenborg Stig Inge Bjørnebye ønskjer å kommentera opplysningane.
- Han blir i Rosenborg. Vi treng han her, seier Bjørnebye til Adresseavisen på generelt grunnlag.
(©NPK)
Anders Trondsen kan vera på veg til italiensk fotball. Foto: Ned Alley / NTB scanpix