Allardyce stadfesta som England-trenar
(NPK-NTB): Engelskmannen Sam Allardyce tar over det engelske landslaget i fotball etter Roy Hodgson.
Det offentleggjorde Det engelske fotballforbundet (FA) på Twitter fredag.
61-åringen kjem frå stillinga som Sunderland-trenar.
Hodgson forlét stillinga som landslagssjef etter sommarens EM, der England rauk ut mot Island i åttedelsfinalen.
Allardyce var aktuell for England-jobben i 2006 òg, men FA valde heller å gå for Steve McClaren.
No har altså engelskmannen fått jobben han har venta på. 61-åringen har vore manager i ei rekke engelske toppklubbar tidlegare, blant dei West Ham, Blackburn, Bolton og Newcastle.
Namn som Steve Bruce og Jürgen Klinsmann har også blitt nemnt som aktuelle kandidatar, men Allardyce skal altså ha trekt det lengste strået.
Etter at Bruce ifølgje engelske medium torsdag trekte seg frå stillinga som Hull-trenar, er 55-åringen oddsfavoritt til å ta over sjefsstolen i Sunderland. (©NPK)