Amerikansk mobilgigant med storoppkjøp i Tidal
Den amerikanske mobilgiganten Sprint kjøper 33 prosent av aksjane i den norskutvikla musikkstrøymetenesta Tidal.
Ifølgje ei pressemelding frå selskapa skal artistar produsera eksklusivt musikkinnhald som berre vil bli tilgjengeleg for noverande og nye Sprint-kundar, skriv E24.
Sprint har 45 millionar mobilkundar.
- Sprint deler visjonen vår om å revolusjonera den kreative industrien for å la artistar koplast direkte med fansen sin og nå det fulle potensialet sitt, seier superstjerne og Tidal-eigar Jay-Z om avtalen.
(©NPK)