Argentina-sjef vil overtale Messi
(NPK-NTB-AFP): Sjef for det argentinske fotballforbundet, Armando Perez, skal gjere det han kan for å få Lionel Messi tilbake på landslaget.
Barcelona-stjerna Messi gav seg på landslaget etter finaletapet mot Chile i Copa America.
Argentinarane har likevel ikkje gitt opp å få Messi til å endre meining.
– Eg har snakka med Lionel sin far, vi har avtalt å møtes neste veke, sa Perez til den argentinske avisa Olé.
– Det viktigaste er å finne ut om Messi vil ta del i kvalifiseringskampane til 2018-VM, la han til.
Messi har framleis til gode å vinne VM eller Copa America med Argentina. Truleg vil dét vere eitt av Perez' argument i samtalane med Messi sin far. (©NPK)