Berge mistar resten av sesongen
(NPK-NTB): Vålerenga må klare seg utan midtbanetalentet Sander Berge i den viktige serieinnspurten.
Ungguten måtte ut med skade allereie etter 30 minutt i oppgjeret mot Stabæk søndag og gjennomgjekk ein kneoperasjon torsdag, skriv klubben på nettstaden sin.
– Inngrepet var vellykka, og omfanget av skaden var betre enn frykta, men rehabiliteringa er framleis såpass omfattande at han vil miste resten av året, seier medisinsk koordinator i Vålerenga, Eirik Bjærke.
Vålerenga møter Tromsø (b), Lillestrøm (h) og Viking (b) i sine tre siste seriekampar. Oslo-laget ligg på 11.-plass, tre poeng frå nedrykk. (©NPK)