Dørum går til NHO
(NPK-NTB): Øystein Dørum forlèt jobben som sjeføkonom i DNB Markets for å bli sjeføkonom i NHO.
Han tiltrer i den nye jobben 1. desember, og vil i NHO leie gruppa med samfunnsøkonomar og gå inn i NHOs leiargruppe.
– Det er viktig for NHO å bidra med gode analysar i samfunnsdebatten, og her kjem Dørum til å spele ei sentral rolle, seier Kristin Skogen Lund, administrerande direktør i NHO.
Dørum seier han ser fram til å byrje i ny jobb.
– Vi står framfor krevjande utfordringar i norsk økonomi, og det er viktig at vi lukkast i å skape nye arbeidsplassar og gjere oss gradvis mindre avhengig av oljenæringa. Dette er noko eg håper å bidra til, seier den kommande sjeføkonomen.
Dørum har tidlegare jobba i Finansdepartementet, Sparebanken Nor og har òg halvt år bak seg som nasjonal ekspert i EU-kommisjonen. (©NPK)