EU-leiarar lovar å ta misnøya på alvor
(NPK-NTB): EU må gjere meir for å svare på misnøya som mange europearar gir uttrykk for, blir det fastslått i ei erklæring frå EU-toppmøtet i Brussel.
Stats- og regjeringssjefane i dei 27 medlemslanda som blir igjen i EU når Storbritannia trekker seg ut, samla seg onsdag om ei felles utsegn der dei lovar å ta inn over seg korleis innbyggjarane opplever situasjonen.
«Mange menneske gir uttrykk for misnøye med dagens situasjon, om det så er på europeisk eller nasjonalt nivå. Europearar forventar meir av oss når det gjeld sikkerheit, arbeidsplassar og vekst så vel som håp om ei betre framtid», skriv EU-leiarane i erklæringa.
Dei lovar no å vise leiarskap og starte ein tankeprosess som skal leie fram til nye reformer i unionen. (©NPK)