FN: Fleire sjukehus bomba ut av drift i Aust-Ghouta
Seks sjukehus i Aust-Ghouta i Syria har blitt bomba i løpet av dei to siste dagane, ifølgje FN.
- Eg er forferda og skaka av meldingane om dei grufulle angrepa mot seks sjukehus i Aust-Ghouta i løpet av dei siste 48 timane, seier Panos Moumtzis, FNs regionale nødhjelpskoordinator for Syria.
Ifølgje den syriske eksilgruppa Syrian Observatory for Human Rights (SOHR) er det russiske kampfly som har bomba sjukehusa.
Luftangrepa mot det opprørskontrollerte området utanfor Damaskus har kravd minst 190 sivile liv sidan måndag. 50 av dei drepne er barn, melder FN.
Internasjonale hjelpeorganisasjonar fordømmer blodbadet og seier situasjonen i Aust-Ghouta er svært dramatisk.
(©NPK)
Ein mann får behandling på ein helseklinikk i Aust-Ghouta. Ifølgje FN har seks sjukehus blitt bomba av syriske eller russiske kampfly i løpet av måndag og tysdag. Foto: AP / NTB scanpix