Golfnoregsmeister Ramsnes legg opp
(NPK-NTB): Ole B. Ramsnes frå Stavanger blei noregsmeister i golf i august, men har bestemt seg for å satse på studiar vidare.
Etter to år på Team Norway blir det masterstudium i staden for golf på han, melder Norges Golfforbund.
– Eg har tenkt på det ei stund og kom fram til at det var rett for meg å gi meg. Dessverre blei ikkje resultata så bra som eg hadde sett føre meg før eg starta proffkarrieren, seier Ramsnes. (©NPK)