Gordon Kaye frå «'Allo 'Allo!» død
Gordon Kaye, best kjend frå BBC-serien «'Allo 'Allo!», er død. Den britiske skodespelaren blei 75 år gammal.
Kaye døydde på ein pleieheim måndag morgon, opplyser den tidlegare agenten til stjerna til BBC.
Kaye spelte kaféeigaren René Artois i den populære situasjonskomedien, som utspelar seg i ein småby i det tyskokkuperte Frankrike under andre verdskrigen.
Kaye var med i alle 84 episodane av serien, som først blei send på BBC frå 1982 til 1992.
(©NPK)