Harsem vann 10-kilometeren
(NPK-NTB): Kathrine Harsem gjekk til topps på 10 kilometer fellesstart på rulleski under Blinkfestivalen i Sandnes. Harsem vann framfor Barbro Kvåle og tyske Sandra Ringwald.
Kvåle var 2,7 sekund bak vinnaren i mål, medan Ringwald var 2,8 bak. Verken Therese Johaug eller Heidi Weng stilte til start i Sandnes fredag.
Astrid Uhrenholdt Jacobsen, tredje beste norske på distansen, blei nummer sju. Maiken Caspersen Falla blei nummer åtte, og Ingvild Flugstad Østberg følgde på plassen bak Falla. (©NPK)