Høgaste inflasjonsnivå i EU på to år
(NPK-NTB-AFP): Inflasjonen i eurosona steig i september til 0,4 prosent, det høgste nivået sidan oktober 2014.
Det er EUs statistikkbyrå Eurostat som har målt inflasjonsnivået i dei 19 landa som brukar euro. Ifølgje analytikarar kjem stiginga av i inflasjonen av auka energiprisar i september.
Inflasjonen har dobla seg sidan august, men framleis er nivået lågt. Det bekymrar Den europeiske sentralbanken ESB, som har eit inflasjonsmål i nærleiken av 2 prosent.
Tidlegare denne månaden bestemte sentralbanken seg for å halde ved lag det låge rentenivået, for å stimulere til auke i lån og for å få inflasjonsnivået opp.
Fleire har vore kritiske til ESBs metodar for å auke inflasjonen. Nasjonalforsamlinga i Tyskland har åtvara sentralbanken om at metodane som er brukt for å stimulere til auka inflasjon, er med på å svekkje europeisk økonomi. (©NPK)