Indisk politi drap maoistar
(NPK-NTB-AFP): Indisk politi har skote og drepe minst 18 maoistopprørarar aust i landet.
– Samanstøyten fann stad i ein jungel langs grensa mellom delstatane Andhra Pradesh og Odisha. Politiet har til no funne 18 drepne maoistar, opplyser ein talsmann for politiet i Odisha, C.K. Dharua.
Maoistopprøret i India starta som eit bondeopprør i Vest-Bengal i 1967 og har sidan kosta rundt 7.000 menneske livet.
Maoist-rørsla består av fleire lokale grupperingar som er knytte saman av maoistisk ideologi og kampen mot sentralstyresmaktene. Rørsla har hatt ein oppsving etter at to grupper slo seg saman i 2004.
Rørsla skal i ifølgje styresmaktene telje 20.000 krigarar, inkludert ei hard kjerne på 6.000-8.000 mann. (©NPK)