IS drivne ut av Aust-Mosul
Irakiske styrkar har teke heilt kontroll over den austlege delen av Mosul, opplyser forsvarsdepartementet i Bagdad.
Den irakiske hæren hevda allereie sist veke at regjeringsstyrkane hadde erobra området aust for elva Tigris - som deler byen - på nytt.
Måndag kunngjer forsvarsdepartementet at IS-krigarane som er att i austlege deler av Mosul er nedkjempa.
Tryggingsstyrkar arbeider framleis med å fjerna eksplosiv, opna vegar og setja opp militærsperringar i området, heiter det i pressemeldinga frå Bagdad.
IS har framleis kontroll over den vestlege delen av storbyen i Nord-Irak.
Offensiven for å erobra Mosul på nytt starta i oktober i fjor. Irakiske regjeringsstyrkar og allierte militsar får luftstøtte frå den USA-leidde koalisjonen mot IS.
Ekstremistgruppa erobra Mosul sommaren 2014.
(©NPK)