Japansk svømmestjerne tatt for doping
Den japanske VM-vinnaren i svømming, Junya Koga (30), er sparka ut av den japanske troppen til Asia-meisterskapen etter å ha testa positivt for doping.
Den japanske VM-vinnaren i svømming, Junya Koga (30), er sparka ut av den japanske troppen til Asia-meisterskapen etter å ha testa positivt for doping.
30-åringen vann VM-gullet på 100 meter rygg i 2009. Han gav positiv dopingprøve då han vart testa utanfor konkurranse. Prøven inneheldt eit forbode muskelbyggande stoff, ifølgje det japanske svømmeforbundet (JSF).
Koga nekta for å ha tatt stoffet bevisst, men har innrømde at han har nytta eit kosthaldstilskot som kan vere årsaka til den positive prøven. Han risikerer no ei utestenging på fire år.
- Eg er flau, har det forferdeleg og er frustrert. Det er heilt uverkeleg, og eg var nærmast i sjokk og trudde det handla om ei misforståing, seier Koga.
Det var i mars at han vart testa av Verdsantidopingbyrået (WADA) i Tokyo. Ifølgje JSF inneheldt prøven hans spor av androgenreseptorane LGD-4033 og SARM S-22.
- Eg visste ikkje om det var ein draum eller verkelegheit. Eg har aldri tatt stoffet med hensikt, men eg er ansvarleg for å motbevise det. Eg ber så mykje om unnskylding overfor dei som har støtta meg, seier han.
(©NPK)