Jordbæryoghurt blir kalla tilbake - kan innehalda plastbitar
Som ein forsiktigheitsregel har meieriprodusenten Danone avgjort å kalla tilbake eit parti med Activia jordbæryoghurt som kan innehalda plastbitar.
Tilbakekallinga gjeld berre Activia jordbæryoghurt i pakningar på fire 125 grams beger, og berre eit bestemt parti merkt med best før 16.08.2018, skriv selskapet i ei pressemelding måndag.
Andre parti med anna datomerking er ikkje omfatta av tilbakekallinga. Heller ikkje Activia jordbæryoghurt merk «uten tilsatt sukker» eller andre smaksvariantar av Activia yoghurt blir kalla tilbake. Ingen andre produkt er elles ramma.
Produkt som er omfatta av tilbakekallinga kan innehalda raude plastbitar, og skal ikkje etast, ifølgje selskapet.
(©NPK)
Produsenten Danone kallar tilbake eit parti med Activia jordbæryoghurt som kan innehalda plastbitar. Foto: Produsentfoto / NTB scanpix / NPK