Kronprinsparet inviterte til løkkefotball på Skaugum

Kronprinsfamilien møtte Nordstrand Allsport, som er eit lag sett saman av menneske med utvekslingshemming.

Laget til kronprinsfamilien var blitt styrkt av mellom anna, Hege Riise, Guro Reiten og Jan Åge Fjørtoft som lagleiar. Vidare var laget sett saman av kronprinsparet og barna prinsesse Ingrid Alexandra og prins Sverre Magnus.

Kommentator i den årlege vennskapskampen var ingen ringare enn Arne Scheie.

Kampen er eit samarbeid mellom kronprinsfamilien og Norges Fotballforbund og går føre seg på Skaugum.

Kven som vann er førebels ukjent.

(©NPK)

Kronprinsesse Mette-Marit klarte å overlista keeperen til Nordstrand Allsport. Her saman med barna prinsesse Ingrid Alexandra, prins Sverre Magnus og tidlegare landslagsspelar Jan Åge Fjørtoft. Foto: Vidar Ruud / NTB scanpix

Kronprins Haakon prøver seg på ein heading under kampen på Skaugum. Foto: Vidar Ruud / NTB scanpix

Er kronprinsesse Mette-Marit ein komande spiss? Foto: Vidar Ruud / NTB scanpix

Prins Sverre er greidde ikkje å overlista Nordstrands Allsport keeper under kampen på Skaugum. Foto: Vidar Ruud / NTB scanpix

Jan Åge Fjørtoft og dommar Svein Graff er tydelegvis usamde i kampen på Skaugum. Foto: Vidar Ruud / NTB scanpix

Kronprins Haakon og prins Sverre blei tilvist til den noko uvanlege fotballbenken. Foto: Vidar Ruud / NTB scanpix