Kveen held fram som Northug-trenar
Stig Rune Kveen får fornya tillit som trenar for Petter Northug trass i svake resultat i vinter.
Northug jobbar i desse dagar med å legge planen som skal gi OL-suksess i Pyeongchang neste vinter. No er det klart at samarbeidet med kompisen Kveen held fram, skriv Adresseavisen.
- Det ligg ikkje an til nokon store endringar. I utgangspunktet brettar vi opp ermene saman, seier Stig Rune Kveen til avisa.
Northug har tidlegare signalisert at det kunne bli aktuelt å gjere endringar i støtteapparatet.
- Det som har vore i år har vore for dårleg. Då må ein gjere endringar, rett og slett, sa han til Adresseavisen etter Lahti-VM.
Også manager Are Sørum Langås ser ut til å bli med vidare.
(©NPK)