Lagerbäck fann ingen plass til Ødegaard
Martin Ødegaard var ikkje med på lista då landslagssjef Lars Lagerbäck presenterte troppen til Noregs avsluttande VM-kvalifiseringskampar.
Det var knytt spenning til om Nederland-proffen ville få plass i Lagerbäcks tropp, men igjen må Ødegaard avfinne seg med å spele for U21-landslaget.
Heerenveen-spelaren har vist solid form for klubblaget den siste tida.
Noreg møter San Marino på bortebane i VM-kvalifiseringa neste torsdag. Tre dagar seinare er Nord-Irland motstandar heime på Ullevaal stadion.
U21-landslaget møter Irland og Tyskland i to kampar i EM-kvalifiseringa i same periode.
(©NPK)
Martin Ødegaard er ikkje med i A-landslagstroppen. Foto: Cornelius Poppe / NTB scanpix