Messi utestengt i fire kampar for Argentina
Lionel Messi blei tysdag straffa med karantene i fire kampar etter å ha skjelt ut assistentdommaren under Argentinas VM-kvalifiseringskamp mot Chile.
Det internasjonale fotballforbundet (Fifa) stadfesta utestenginga på sine nettsider.
Messi er også pålagt ei bot på 10.000 sveitserfranc. Det svarar til 86.000 kroner.
Barcelona-stjerna soner sin første kamp allereie tysdag. Då skal Argentina møte Bolivia på bortebane.
Argentina ligg på tredjeplass i den søramerikanske VM-kvalifiseringa, åtte poeng bak leiande Brasil.
Chile, som tapte 0-1 mot Messis Argentina i den nemnde kampen, ligg på sjetteplass og står i augneblinken utan VM-billett.
(©NPK)