Mexicos peso opp etter USA-besøk
Mexicos peso steig markert i verdi etter at USAs utanriksminister Rex Tillerson prøvde å roe stormen etter Donald Trumps harde utsegner.
Pesoen raste i verdi etter at Trump vann valet i november og trua med å byggje ein mur mot landet, kaste ut ulovlege innvandrarar, legge toll på import og avvikle frihandelsavtalen NAFTA.
Pesoen styrkte seg fredag til 19,69 per dollar frå 19,90 dagen før. I januar var pesoen verdt så lite som 22 pesos per dollar.
Torsdag reiste Tillerson og minister for innanlands sikkerheit John Kelly til Mexico for å roe vennene og drøfte grensekontroll med president Enrique Peña Nieto.
(©NPK)