Minst 272 russarar vil delta i OL
(NPK-NTB-FNB): Russland som stod på randa til å bli utestengt frå heile OL på grunn av doping vil ha minst 272 utøvarar som får delta i dei kommande leikane.
– Det kan bli endå fleire utøvarar, seier Russland sin idrettsminister Vitalij Mutko til nyheitsbyrået TASS fredag.
– I dag består Russland sin OL-tropp av 272 utøvarar, men laget veks. Laget er erfarent og satsar seriøst. Vi skal delta i 30 av 34 OL-greiner og eg trur at vi kan kjempe om topplasseringar i 19– 20 greiner, sa Mutko.
Hittil har 111 russiske utøvarar blitt utestengt frå Rio-OL på grunn av brot på dopingreglementet. Blant anna 68 friidrettsutøvarane.
Søndag overlét IOC ansvaret til dei internasjonale forbunda om å stengje ute russiske utøvarar som ikkje oppfylte visse antidopingkriterium. IOC unnlét dermed å stengje ute Russland på kollektivt grunnlag.
Russland stod i fare for å bli utestengt etter at ein uavhengig WADA-rapport avslørte omfattande statleg organisert doping innan russisk idrett. (©NPK)