Nasjonalforsamlinga i Skopje godtek Nord-Makedonia som nytt namn
Nasjonalforsamlinga i Den tidlegare jugoslaviske republikken Makedonia har ratifisert ein avtale med Hellas om at landet skal heita Nord-Makedonia.
69 av dei i alt 120 representantane stemde ja til avtalen, som set sluttstrek for ein 27 år lang namnestrid med nabolandet.
Sidan landet har kalla seg sjølv Makedonia, same namnet som den nordlegaste regionen i Hellas, har Hellas blokkert for at landet kan bli medlem av EU og Nato.
Makedonias president har varsla at han vil leggja ned veto mot det nye namnet, dermed må avtalen behandlast på ny i nasjonalforsamlinga. Då vil to tredelar av representantane måtte godkjenna namnet.
(©NPK)