Nesten heile Island fekk med seg VM-opninga

99,6 prosent av alle islendingar som såg på TV, fekk med seg heimlandet 1-1-kamp mot Argentina i fotball-VM laurdag.

Det er Islands fotballforbund som har henta inn dei smått utrulege tala. Det var utvilsamt eitt TV-program som regjerte i stovene på sagaøya frå klokka 13 lokal tid laurdag.

Kva dei andre 0,4 prosentane av TV-sjåarane såg på, er førebels ikkje kjent. Dei gjekk i alle fall glipp av ein islandsk VM-debut som gav eit sterkt poeng og blant anna inneheldt redninga til Hannes Halldorsson av straffesparket til Lionel Messi.

Island har ein befolkning på om lag 335.000 og er dermed den minst folkerike nasjonen som har vore med i eit fotball-VM.

(©NPK)

Hannes Halldorsson medverka sterkt til at Island klarte 1-1 mot Argentina i VM. Foto: Rebecca Blackwell / AP / NTB scanpix