Nigerianar til Brighton
Premier League-klubben Brighton har skrive kontrakt med nigerianaren Leon Balogun (29).
Premier League-klubben Brighton har skrive kontrakt med nigerianaren Leon Balogun (29).
Forsvarsspelaren har skrive under ei toårskontrakt og kjem gratis frå den tyske Bundesliga-klubben Mainz.
- Han er på toppen av karrieren, og eg er utruleg glad for at han kjem til oss, seier manager i Brighton Chris Hughton.
Balogun er tyskfødd, men har 14 landskampar for Nigeria gjennom far sin.
I Tyskland har han spelt for Tyrkiyemspor Berlin, Hannover, Werder Bremen, Fortuna Düsseldorf, SV Darmstadt og nemnde Mainz sidan 2015.
(©NPK)