NM-finalane i handball tilbake til Oslo Spektrum
(NPK-NTB): NM-finalane i handball blir flytta tilbake til Oslo Spektrum, melder Aftenposten.
Det blei med det eine året med finalar i Nadderud Arena.
Når finalane blir flytta tilbake til Oslo er målet å unngå milliontap. Finaledag blir 5. juledag (29. desember).
– Vi har hatt utgifter mellom 500.000 og éin million kroner på å arrangere cupfinalane i Spektrum. No har vi saman med Norsk Topphandball, klubbane og Eurosport sett på korleis vi kan kome betre frå det, sa generalsekretær Erik Langerud under Avkast-møtet til Handballforbundet måndag. (©NPK)