Noreg klatra 15 plassar på Fifa-rankinga

Rankinga for oktober skulle normalt vore offentleggjort torsdag, men det vart skoten fram til måndag på grunn av stor interesse ettersom rankinga vil bli brukt til seeding for trekninga av VM-sluttspelet.

Det er no klart at Russland, Tyskland, Brasil, Portugal, Argentina, Belgia, Polen og Frankrike vil bli toppseeda i trekninga 1. desember.

Spania hamnar på seedingsnivå 2 saman med England, Colombia, Mexico og Uruguay. Peru, Sveits og Italia hamnar også der dersom dei vinn sine omspelskampar i november.

Noreg var i juli nede på 88.-plass, den dårlegaste plasseringa nokosinne. Sidan har pilene peikt oppover. Det var 85.-plass i august og 73.-plass i september. No gjer Lagerbäcks menn eit nytt byks.

Framleis er det eit stykke igjen til gamle høgder, og Noreg ligg på den nye rankinga mellom Kina og Jamaica.

Rankinga (førre månads plassering i parentes): 1) Tyskland 1631 (1), 2) Brasil 1590 (2), 3) Portugal 1446 (3), 4) Argentina 1445 (4), 5) Belgia 1333) 5), 6) Polen 1250 (6), 7) Frankrike 1226 (9), 8) Spania 1218 (11), 9) Chile 1173 (9), 10) Peru 1160 (12), 11) Sveits 1134 (7), 12) England 1116 (15), 13) Colombia 1095 (10), 14) Wales 1072 (13), 15) Italia 1066 (17), 16) Mexico 1060 (14), 17) Uruguay 1034 (16), 18) Kroatia 1013 (18), 19) Danmark 1001 (26), 20) Nederland 931 (29).

Utvalde: 21) Island 920 (22), 25) Sverige 872 (23), 58) Noreg 620 (73), 74) Finland (87).

(©NPK)

Lars Lagerbäcks landslag har klatra 30 plassar på Fifa-rankinga sidan juli og er no nummer 58. Foto: Cornelius Poppe / NTB scanpix