Norwegian vann på svak børsdag
Nye oppkjøpsrykte sende Norwegian opp 9,2 prosent då Oslo Børs opna etter helga. Hovudindeksen fall 0,4 prosent til 888,21 poeng.
Etter at ein spansk avis skreiv at luftfartsgiganten IAG planlegg eit nytt bod på Norwegian, blei selskapet det nest mest omsette på børsen tysdag.
Også Funcom gjekk opp meir enn 9 prosent tysdag, mens børslokomotiv som Equinor og Aker BP fall høvesvis 1 og 3,1 prosent. Også Marine Harvest (-2,5 prosent) og Telenor (-0,6 prosent) trekte børsen nedover.
Etter ein positiv start på dagen snudde hovudindeksen ved lunsjtider. Nedturen kom trass i at oljeprisen steig med nærmare ein dollar i dag. Eit fat nordsjøolje kosta tysdag ettermiddag 80,35 dollar.
(©NPK)
Oslo Børs enda tysdag i minus, men flyselskapet Norwegian fekk seg ein opptur etter nye oppkjøpsrykte i helga.
Foto: Erik Johansen / NTB scanpix