Nyfødt baby funnen i koffert i Tyskland
(NPK-NTB-DPA): Tysk politi har arrestert ei 22 år gammal kvinne etter at det blei funne ein nyfødt baby i ein koffert i leilegheita hennar. Kofferten inneheldt også skjelettet til ein annan baby.
Det var den 19 år gamle partnaren til kvinna som gjorde det makabre funnet i leilegheita dei to delte i Hannover.
Politiet rykte straks ut, og den nyfødde jenta blei i all hast sendt til eit sjukehus i nærleiken. Legane opplyser at tilstanden no er stabil.
Etterforskarane prøver no å fastslå kven som er far til babyen som blei funnen.
Leivningane av den andre babyen i kofferten er sendt til obduksjon for å fastslå dødsårsaka. (©NPK)