Oregon strammar inn våpenlovene
Den amerikanske delstaten Oregon har strammar inn våpenlovene i kjølvatnet av skulemassakren i Florida.
Senatet i Oregon vedtok med 16 mot 13 stemmer eit lovforslag torsdag som hindrar personar som er dømt for stalking, vald i heimen eller pålagt kontaktforbod å kjøpe eller eige våpen.
Delstaten er truleg den første som strammar inn våpenlovene som eit resultat av debatten etter skuleskytinga i Florida i førre veke.
I Florida stemte politikarane i Representanthuset tysdag imot eit forslag om forbod mot sal og eige av automatgevær og visse typar ammunisjon.
USAs president Donald Trump har denne veka opna for å heve aldersgrensa for kjøp av automatvåpen til 21 år. Han har også opna for å forby spesielle innretningar som gjer om halvautomatiske våpen til heilautomatiske.
(©NPK)