Orientering: To norske juniorar på pallen
(NPK-NTB): Orienteringsjuniorane Kasper Fosser og Victoria Bjørnstad kom på andreplass i kvar sin klasse på sprinten i Junior European Cup i Skottland.
Det er sesongavslutning for orienteringsløparane og på sprinten fredag vart det norsk pallplass både på herre- og kvinnesida i klassen «yngre junior».
Blant juniorherrane kom Kasper Fosser på andreplass, 25 sekund bak vinnaren Isac von Krusenstierna frå Sverige. På kvinnesida var Victoria Bjørnstad 57 sekund bak suverene Simona Aabersold frå Sveits.
– Det var veldig bra springing av dei norske i dag, spesielt i 18-årsklassene, med pallplassane til Kasper Fosser og Victoria Hæstad Bjørnstad som dei aller beste, samanfattar Lene Godager som er den norske lagleiaren. (©NPK)