Oslo Børs avslutta veka med nedgang
Etter fleire dagar med rekordnoteringar slutta Oslo Børs veka i raudt fredag. Hovudindeksen enda på 846,17 poeng, ned 0,55 prosent.
Torsdag noterte børsen all time high med 850,86 poeng etter tre dagar med oppgang.
Statoil var mest omsett, men slutta ned 1 prosent. Deretter følgde Yara (-2,67 prosent), DNB (-0,30), Subsea 7 (-0,78) og Marine Harvest (-1,71).
Atea steig mest på hovudindeksen med 1,76 prosent til 127 kroner, medan Seadrill fall mest med 5,13 prosent til 2,44 kroner.
På dei retningsgivande børsane i Europa var det igjen eit blanda bilde. DAX 30 i Frankfurt var ned 0,15 prosent fredag ettermiddag. I Paris steg CAC 40 med 0,38 prosent, og i London gjekk FTSE 100 fram med 0,46 prosent.
Oljekursen fall og blei omsett for 73,47 dollar fredag ettermiddag. Prisen på amerikansk lettolje fall også og blei omsett for 68,02 dollar fatet.
(©NPK)
Illustrasjonsfoto: Håkon Mosvold Larsen / NTB scanpix