Oslo Børs gjekk ned
(NPK-NTB): Hovudindeksen på Oslo Børs fall fredag formiddag, men tok seg opp utover dagen. Indeksen enda likevel i minus med eit marginalt fall på 0,09 prosent til 617,79 poeng.
Statoil var som vanleg mest omsett, men kursen fall med 0,23 prosent. Vidare på omsetningslista følgde Marine Harvest (+0,51), DNB (-0,38), Orkla (+1,98) og Telenor (-1,16).
Fredagens store tapar var solenergiselskapet Rec Silicon som fall 20,04 prosent etter eit svakt resultat. Forventa omsetning i tredje kvartal fell til under 50 millionar dollar. I andre kvartal var omsetnaden over 71 millionar dollar.
Bioteknologiselskapet Nordic Nanovector steig klart mest fredag med 14,47 prosent.
I London steig FTSE 100-indeksen 0,05 prosent. I Frankrike gjekk det motsett veg med CAC 40 som sokk 0,51 prosent, og i Frankfurt svekte DAX 30-indeksen seg med 0,47 prosent.
Oljeprisane viste ein meir markert oppgang, og eit fat nordsjøolje blei fredag ettermiddag seld for 47,58 dollar, opp 0,30 prosent. (©NPK)