Portugal gir grønt lys for medisinsk bruk av cannabis
Medisinsk bruk av cannabis blir no lovleg i Portugal etter at nasjonalforsamlinga i landet har stemt for forslaget med stort fleirtal.
Det betyr at Portugal blir eitt av få EU-land der det blir lovleg å skriva ut cannabis på resept. Lova tek til å gjelda frå 1. juli.
Kva substansar som skal klassifiserast som legemiddel, skal avgjerast av det portugisiske legemiddeltilsynet.
Portugal er allereie eitt av dei mest liberale landa i Europa når det gjeld narkotika. Mellom anna blei narkotikabruk avkriminalisert i 2001.
(©NPK)