Portugal utan Ronaldo
(NPK-NTB-AFP): Europameister Portugal må klare seg utan skadde Cristiano Ronaldo når dei startar VM-kvalifiseringa i fotball.
Ronaldo har ikkje spelt kamp sidan han vart tvinga til å forlate EM-finalen mot Frankrike med skade.
– Eg er blitt fortalt at han ikkje er fysisk skikka til å spele kamp, seier Portugals trenar Fernando Santos.
Ronaldo var tilbake i trening for Real Madrid sist veke.
Portugal spelar treningskamp mot Gibraltar 1. september. 6. september startar VM-kvalifiseringa med kamp mot Sveits i Basel.
Torsdag vart Cristiano Ronaldo kåra til årets beste spelar i Europa førre sesong av det europeiske fotballforbundet (Uefa).
I tillegg til Portugal og Sveits er også Ungarn, Færøyane, Latvia og Andorra i same kvalifiseringsgruppe. (©NPK)