Putin godtar væpna OSSE-styrke i Aust-Ukraina
(NPK-NTB-AFP): Russlands president Vladimir Putin støttar ein avtale som inkluderer utplassering av væpna politi frå Organisasjonen for sikkerheit og samarbeid i Europa (OSSE) i det austlege Ukraina.
– Putin har gått med på utplassering av ein slik styrke, seier Kreml-talsmann Dmitrij Peskov.
Peskov viser til samtaler i Berlin onsdag der Putin møtte leiarane frå Ukraina Frankrike og Tyskland. Formålet med samtalene var å få slutt på den fastlåste situasjonen.
Russiskvennlege opprørarar i Aust-Ukraina er motstandarar av ein OSSE-styrke. (©NPK)