Du må være innlogget for å få tilgang til alle nyheter! Logg inn eller opprett brukerkonto.

Annonse
Annonse

søndag 22. januar 2017

Ragnhild Halsen debuterer med poesiboka:

Livet er ingen draum

Livet er ingen draum

 

- Eg håper dikta mine vil vere med å opne opp noko i folk, sleppe inn litt frisk luft i dei romma som ikkje er i dagleg bruk, seier Ragnhild Halsen som i desse dagar gir ut diktboka «Livet er ingen draum».

Skrevet av:

Oppdatert:
11.12.2016 kl 18:45

Ragnhild Halsen (1966) har eit spennande år bak seg. Om ikkje lenge har ho si eiga diktbok med tittelen «Livet er ingen draum» mellom hendene. Ørstingen som bur på Egset i Volda jobbar som spesialbibliotekar ved Høgskulen i same kommune. Ho er gift og har to tenåringsdøtrer.
Vi møter henne på jobben i slutten av november. Det er ganske mørkt ute, men Ragnhild er lys til sinns. Noko av grunnen kan vere at den nye interessa hennar for diktskriving har gitt henne mykje glede og nye vener.

God respons
– Det starta med ein anonym Twitter konto der eg leika seg litt med ord. Eg likar å skrive fortetta og kort, så det passa meg godt. Eg er også typen som likar å få respons med ein gong, noko ein får på Twitter.

Etter kvart fekk ho ein del følgjarar på Twitter. Dette førte Ragnhild inn i eit miljø av skriveglade menneske med ulike bakgrunnar og frå heile landet.
Mange av dei ho kom i kontakt med meinte at ho burde gi ut bok.
- Eg hadde kanskje ikkje våga å gjere det utan desse oppfordringane, seier den nybakte poeten.

Marit Digernes
Det var også gjennom nettet, nærare bestemt ei forfattargruppe, at Ragnhild møtte Marit Digernes frå Stord som har illustrert boka hennar.
Marit skriv også dikt, men har ikkje gitt ut noko sjølv enno, berre vore med på ein antologi som illustratør saman med andre. Difor var Ragnhild litt spent på om ho ville illustrere boka hennar. Men ho svarte ja. Dei to damene samarbeider veldig godt.
- Marit er ei herleg dame. Vi fann raskt tonen, og eg fall pladask for dei artige illustrasjonane hennar, fortel Ragnhild.
Kunstnaren Marit Digernes er impulsiv. Ho kan gjerne sende ein illustrasjon til Ragnhild midt på natta, eller klokka fem om morgonen. gjerne med nokre artige diktlinjer attåt.
- Ho har vore veldig lydhøyr for mine meiningar, og har gått inn i dikta med liv og sjel. Vi har hatt det utruleg kjekt i lag, og det trur eg viser att i boka, smiler Ragnhild.
Då Ragnhild skulle velje ut dikta ho skulle sende til forlaget Publica, var det mellom andre Marit som hjelpte henne med dette.

Mellom liv og draum
Ragnhild skriv dikt om det som skjer mellom oss menneske. Boka inneheld ulike typar kjærleiksdikt, artige observasjonar frå kvardagslivet, draumar og dikt som har assosiasjon til livet til dei som levde her før oss.
- Som tittelen gir eit vink om, krinsar tematikken rundt forholdet mellom liv og draum. Vi lever i ein kvardag med små og store utfordringar, og av og til stoppar det litt opp, reflekterer Ragnhild.
Ho er oppteken av å skrive om emne folk kan kjenne seg att i. Skape bilde og få fram ei stemning.
- Mange lever hektiske liv med lite tid til refleksjon. Av og til kan det vere godt å lene seg tilbake, la tankane flyge og utforske dei ulike overgangane mellom levd liv, draum og fantasi, seier Ragnhild.
Debutanten vonar dikta hennar vil vere med å opne opp noko i folk, sleppe inn litt frisk luft i dei romma som ikkje er i dagleg bruk.

Ikkje private
Mange trur kanskje at dei som skriv dikt brukar mykje av sitt eige liv når dei skriv poesi. Ragnhild understrekar at det ikkje er hennar eigne erfaringar som er hovudinspirasjonskjelda.
- Det er ikkje meg dikta handlar om. Eg får impulsar frå mange stader. Det kan vere ting andre har opplevd eller saker eg les om på internett eller i ei avis. Det er ikkje tankar frå inst i sjela mi, smiler ho.
Privat er Ragnhild jordnær og nøktern, slik er dikta også. Ho synest ikkje sjølv dei er så høgtflygande.

Forfattarplan
Som ung var planen å bli forfattar, men ho vart bibliotekar i staden for. Heilt fram til no. Ei av årsakene til at ting har skjedd det siste året, er at borna har teke til å bli større. Ho har difor har fått meir tid til seg sjølv og sin eigen kreativitet. I ungdommen likte ho veldig godt dikta til Jan Erik Vold.

- Kva forfattarar inspirerer deg no om dagen?
- Ruth Lillegraven, Helge Torvund, Kjell Ivar Sandvik og Pablo Neruda, svarer ho.
Sjølv om boka snart er i trykken, ligg ikkje Ranghild på latsida. Nye dikt poppar stadig opp. Nokre gonger kjem dei raskt, andre gonger må ho jobbe litt meir med dei.
Ragnhild har framleis ein anonym twitterkonto. Dei som er som er interessert kan sjå kva ho driv med på @ragnhilds. skriveri på Facebook og Instagram.
16. desember skal ho presentere diktboka si på Volda folkebibliotek.

Siste nytt i Reportasje

Hus med historisk sus

Hus med historisk sus

Norleif Bjørneseth har sidan 2006 i julenummeret av Møre skrive om spesielle hus/bygningar i Volda. Dei siste åra har han hatt i tankane å finne fram til historiske fakta om gravplassen på Leirshaugen og kapellet der. Sidan han mangla nokre informasjonar fann han å legge skriveplanen på vent. Helge...

Sivert Heltne deltok på det første målarkurset i regi av Volda kunstlag

80 år sidan Volda kunstlag vart stifta:

Sivert Heltne deltok på det første målarkurset i regi av Volda kunstlag

Sivert Heltne gjekk på det første målarkurset som Volda kunstlag arrangerte i 1937. I denne artikkelen skal vi sjå litt på oppstarten av Volda kunstlag, som var det første kunstlaget på landsbygda i Noreg, og få vite korleis Sivert hadde det på målarkurset der Leon Aurdal var kurshaldar.

Minner frå ei svunnen tid

Minner frå ei svunnen tid

Etter mange år på landevegen, la Trond Ryslett opp langtransportkarrieren i 2003. Men interessa for lastebilar er framleis levande, og nyleg vart han ferdig med eit større restaureringsprosjekt.

 
- Får den ikkje mange dislikes har eg gjort noko feil

Regissør Lars Skaland om musikkvideoen til «Paradise-Iselin»:

- Får den ikkje mange dislikes har eg gjort noko feil

I dag vart den nye singelen til Iselin Michelsen, betre kjent som Paradise-Iselin, gitt ut. Bak filmen er det ein volding som er regissør.

- Den filippinske jula startar i september

Evelyn Lara Myklebust:

- Den filippinske jula startar i september

Allereie i september blir butikkane og gatene på Filippinane pynta til jul. Dei siste ni dagane før julaftan er det messe i dei katolske kyrkjene kvar morgon klokka fire.

Rekkverket som produserer straum

Rekkverket som produserer straum

Det er ikkje lenge sidan dei lanserte vekkjarklokke-appen. No er ikkje det ein app dei skal lansere, men eit rekkverk som produserer straum. Og allereie til våren 2017 kan du sikre deg eit.

 
- Vêr er ikkje berre vêr, det er så mykje meir

Kristina Kvistad Hustad blir TV 2 si nye vêrdame:

- Vêr er ikkje berre vêr, det er så mykje meir

Snart skal Desta Marie Beeder ha si siste vêrmelding-sending. Dette betyr starten for Kristina Kvistad Hustad frå Sæbø, som tek over vêrdame-jobben på TV 2.

Satsar på øko-vekst

Satsar på øko-vekst

Rema vart i sommar majoritetseigar i Kolonihagen, noko som vil gi meir økologisk mat og drikke i butikkane. Det er voldingen Arnt Ove Dalebø glad for.

Einaste i Møre og Romsdal med «Meget godt bestått»

Kjetil Helmut Masuhr

Einaste i Møre og Romsdal med «Meget godt bestått»

Kjetil Helmut Masuhr har den siste tida gjennomført ei fagprøve i anleggsgartnarfaget. Etter mykje hard jobbing kom dommen.

 
I toppen under NM i blomsterdekorering

Oline Johanne Jensine Gjersdal

I toppen under NM i blomsterdekorering

Oline Johanne Jensine Gjersdal frå Tilseth Blomster kvalifiserte seg til NM ved å ta 1.-plass i distriktsmeisterskapen i Møre og Romsdal, der ho vart kåra til beste læring i fylket.

- Du må gjere gull av gråstein

Nyheits- og sportsredaktør i TV2 om å jobbe i ei lokalavis:

- Du må gjere gull av gråstein

I dag er han nyheits- og sportsredaktør i nyheitskanalen TV 2. Han har vunne skup-diplom for sin journalistikk og måtte bu på hemmeleg adresse. Men før alt dette var han ein fotballglad gut som vaks opp på Vallabøen i Ørsta.

Nytt miljøvenleg fjøs

Karl Frode Slettedal satsar på:

Nytt miljøvenleg fjøs

I februar sto Karl Frode Slettedal sitt 1600 kvadratmeter store fjøs ferdig i Rognestøylsdalen. Her har han plass til 150 dyr. Desse får vere i moderne omgivnader og med det siste innan robotar og luftesystem.

Do NOT follow this link or you will be banned from the site!