Ronaldo får flyplass kalla opp etter seg
Flyplassen på Madeira blir døypt om til Cristiano Ronaldo Airport. Real Madrid-stjerna er fødd på den portugisiske øya.
Regionale styresmakter har sørgd for å gi flyplassen sitt nye namn. Endringa trer i kraft onsdag, då Ronaldo skal delta i ein seremoni i heimbyen Funchal på Madeira. Heltestatusen til 32-åringen vart om mogleg endå større etter at Portugal vann EM i Frankrike i fjor sommar.
Namneendringa har skapt reaksjonar lokalt. Blant anna har mange politikarar vore imot avgjerda.
Tysdag spelar Ronaldo og co. treningskamp mot Sverige.
(©NPK)