Ronaldo nominert til Gullballen
(NPK-NTB): Cristiano Ronaldo er ein av spelarane som måndag vart nominert til den gjeve Gullballen.
Gullballen går til årets fotballspelar i verda og vert delt ut tidleg i januar kvart einaste år.
Denne sesongen har mange Ronaldo som ein heit kandidat. Portugisaren, som bidrog sterkt til at heimlandet vann EM-sluttspelet i sommar, kunne også juble for meisterligatriumf med Real Madrid sist sesong.
Måndag formiddag offentleggjorde Gullballen-sponsor France Football namna på dei seks første spelarane som er nominerte til prisen. Ved sida av Ronaldo var det Atletico Madrids Antoine Griezmann, Manchester Citys Sergio Agüero, Borussia Dortmunds Pierre-Emerick Aubameyang Juventus-keeper Gianluigi Buffon og Real Madrid-spelar Gareth Bale.
Ronaldo vann også prisen i 2008, 2013 og 2014.
Vinnaren vert stemte fram av journalistar frå heile verda. Seinare vart fleire namn offentleggjorde.
Dei 20 første nominerte var: Sergio Agüero (Manchester City), Pierre-Emerick Aubameyang (Dortmund), Gareth Bale (Real Madrid), Gianluigi Buffon (Juventus), Cristiano Ronaldo (Real Madrid), Kevin de Bruyne (Manchester City), Paulo Dybala (Juventus), Diego Godin (Atlético), Antoine Griezmann (Atlético), Gonzalo Higuaín (Juventus), Zlatan Ibrahimovic (Manchester United), Andrés Iniesta (Barcelona), Koke (Atlético), Toni Kroos (Real Madrid), Robert Lewandowski (Bayern München), Hugo Lloris (Tottenham), Riyad Mahrez (Leicester), Lionel Messi (Barcelona), Luka Modric (Real Madrid), Thomas Müller (Bayern München).
Til slutt kom ytterlegare ti namn: Manuel Neuer (Bayern München), Neymar (Barcelona), Dimitri Payet (West Ham), Paul Pogba (Manchester United), Pepe (Real Madrid), Rui Patrício (Sporting), Sergio Ramos (Real Madrid, Luis Suárez (Barcelona), Jamie Vardy (Leicester) og Arturo Vidal (Bayern München). (©NPK)