Rooney gir seg på landslaget etter 2018-VM
(NPK-NTB-AFP): England-kaptein Wayne Rooney (30) seier at han planlegg å gje seg på landslaget etter VM-sluttspelet i 2018.
– Realistisk sett er Russland-meisterskapen min siste der eg har moglegheit til å bidra med England, sa Rooney under ein pressekonferanse i St. George's Park i Burton.
Englands nye manager, Sam Allardyce, sa måndag at Rooney blir kaptein for England i kvalifiseringa som startar mot Slovakia søndag. Allardyce sa òg at han planlegg å bruke Rooney som spiss.
Rooney gjer sin landskamp nummer 116 i Trnava. Han er Englands mestscorande gjennom tidene med sine 53 mål.
– Forhåpentleg kan eg avslutte min England-karriere på topp, sa Rooney tysdag. (©NPK)