Russisk visesportsminister løyst frå stillinga
(NPK-NTB): Jurij Nagornykh er ferdig som visesportsminister i Russland, skriv VG.
Han er blitt utpeikt som hjernen bak det russiske dopingjukset. 44 år gamle Nagornykh vart løyst frå jobben som visesportsminister av statsminister Dmitrij Medvedev måndag.
Nagornykh har vore suspendert frå jobben etter at den knusande McLaren-rapporten vart lagt fram.
Sportsminister Vitalij Mutko er tidlegare forfremma til å bli visestatsminister. Pavel Kolobkov går inn som sportsminister, men får ikkje ei like tung stilling ettersom ein av visestatsministrane også får ansvaret for idrett. (©NPK)