Ruud opp tre plassar på verdsrankinga
Casper Ruud klatra tre plassar opp til 134.-plass på verdsrankinga i tennis denne veka.
Ruud var sist i aksjon søndag då han tapte 4-6, 4-6 for Simone Bolelli frå Italia. Dermed gjekk han ikkje inn i hovudturneringa i Stockholm Open.
Victor Durasovic klatra 58 plassar og er nummer 489 på rankinga.
Rankinga blir toppa av spanjolen Rafael Nadal, sjølv om han i helga tapte finalen i Shanghai Masters for Roger Federer. Sveitsaren Federer er nummer to på rankinga med briten Andy Murray på 3.-plass.
Rumenske Simona Halep toppar verdsrankinga for kvinner. Her er Ulrikke Eikeri beste norske på 270.-plass.
(©NPK)
Tennisspelaren Casper Ruud på toppen av Holmenkollen under eit pressemøte i samband med ein oppvisningsturnering i Oslo seinare i haust. Foto: Cornelius Poppe / NTB scanpix.