Ruud vidare i Sverige etter sterk snuoperasjon
Casper Ruud fekk ein drøymestart på ATP-turneringen Swedish Open. 19-åringen tok seg vidare til 2.-runde i Sverige med 6-7, 6-4, 6-0 mot spanske Jaime Munar.
Munar, som er nummer 90 på verdsrankinga, kjempa seg til 7-6 i første sett, men Ruud slo kraftig tilbake.
Munar trakka over i det andre settet og sleit med skadane. Ruud tok det andre settet 6-4, før det tredje blei vunne enkelt 6-0.
Ruud er nummer 147 på verdsrankinga i tennis og fekk wildcard til turneringa i Sverige.
Andre runde blir spelt onsdag eller torsdag. Spanske David Ferrer, nummer 39 i verda, ventar i neste runde dersom spanjolen tar seg av kvalifiseringsspelar Zdenek Kolar.
I singleturneringa i Braunschweig blei Ruud slått ut i første runde. Han kan klatre på rankinglista i ATP-turneringen Swedish Open i Båstad denne veka, som blir spelt på favorittunderlaget til Ruud, grus.
(©NPK)
Casper Ruud er vidare i tennisturneringa i Båstad i Sverige. Foto: Lars Eide / NTB scanpix