Sarpsborg-keeper Kristiansen seld til Belgia

Målvakta Anders Kristiansen (28) held fram fotballkarrieren i Union Saint-Gilloise på nivå to i Belgia.

Kristiansen sat på utgåande kontrakt med Sarpsborg, der han har spelt tre cupkampar i år. Aslak Falch har teke over plassen som førstekeeper for klubben, og Kristiansen ønskte seg ut i Europa.

- Vi henta Anders frå Bryne for 2,5 år sidan. Han har vore fantastisk for oss, både på og utanfor banen, men når moglegheiter som dette dukkar opp, vil vi ikkje stå i vegen. Dette unner vi Anders, seier sportssjef Thomas Berntsen i Sarpsborg.

Union Saint-Gilloise spelar på nivå to i belgisk fotball, der laget enda nest sist førre sesong.

Kristiansen spelte alle minutt for Sarpsborg i Eliteserien i fjor. Han har også landskampar for Noreg på U-nivå.

(©NPK)

Anders Kristiansen går frå Sarpsborg til belgiske Union Saint-Gilloise.
Foto: Ole Martin Wold / NTB scanpix