Sissoko utestengt i tre kampar
(NPK-NTB): Tottenham må klare seg utan Moussa Sissoko mot Liverpool i ligacupen og seriekampane mot Leicester (h) og Arsenal (b).
Straffa kjem etter at Sissoko slo ned Bournemouths Harry Arter i 0-0-kampen laurdag.
Dommarane fekk ikkje med seg episoden. Tottenham har akseptert den tre kampar lange suspensjonen, fortel BBC.
Tottenham spelar borte mot Liverpool i ligacupen tysdag. Det er venta at begge laga slepp til spelarar som har fått lite speletid i haust. (©NPK)