Sivilt råd overtar styringa i Raqqa

Dei USA-støtta opprørarane som dreiv IS ut av Raqqa, overlèt no styringa av den utbomba syriske byen til eit sivilt råd.

Rådet vart danna for seks månader sidan og skal etter planen overta styringa fredag, opplyser kjelder i opprørsalliansen SDF.

Mange av opprørarane som var med på erobringa av Raqqa, har alt reist frå byen for å halde fram kampen mot IS andre stader, blir det opplyst.

- Etter at dei militære operasjonane var over, har ein stor del av styrken reist frå Raqqa til mellom anna Deir al-Zor-provinsen, seier ein talsmann for den kurdiske YPG-militsen, som utgjer størstedelen av SDF.

Mange vegsperringar og kontrollpostar i Raqqa stod torsdag uvakta, sjølv om ein del av opprørarane framleis dansa og jubla på al-Naim-plassen i sentrum av byen.

(©NPK)

Store delar av Raqqa i Syria ligg i ruinar. Foto: AP / NTB scanpix