Skadeproblem for Odd
(NPK-NTB): Fredrik Semb Berge kan miste resten av sesongen for Odd med ein meniskskade. I tillegg halta Rafik Zekhnini rundt på krykkjer måndag.
Semb må operere eit dårleg kne og kan i verste fall miste resten av sesongen, skriv Telemarksavisa.
Trenar Dag-Eilev Fagermo seier klubben i samråd med spelaren sjølv skal avgjere korleis dei går fram.
– Vi kan ikkje bruke energi på spelarar som ikkje er friske. Eg håper han rekker dei siste kampane, men vi får sjå om det blir slik. Fredrik er ein viktig og god spelar, og vi treng han i stallen utover hausten. Vi slepper til færre sjansar med han på banen, seier Fagermo til avis.
Semb er ikkje den einaste av Odd-spelarane som slit med skader. Mot Vålerenga fekk ungguten Rafik Zekhnini ein smell i foten og gjekk på krykkjer måndag. Han seier til avisa at han skal bestille time for røntgen.
– Forhåpentlegvis er det ikkje noko alvorleg, men det kjennest ikkje bra ut no, seier han. (©NPK)