Skottland utset avgjerd om folkeavstemming
Den skotske nasjonalforsamlinga utset avstemminga om det skal haldast ny folkeavstemming om skotsk sjølvstende til tysdag.
Grunngjevinga er at parlamentet vil vise respekt etter terrorangrepet ved Parlamentet i London onsdag.
- Debatten vil bli gjenopptatt tysdag klokka 14.20, sa ei talskvinne for det skotske parlamentet torsdag.
Førsteminister Nicola Sturgeon har bedt parlamentet i Edinburgh om å avgjere om det er grunnlag for å halde folkeavstemming.
Dei skotske politikarane starta tysdag å debattere om det skal haldast ny folkeavstemming om skotsk sjølvstende. Debatten heldt fram onsdag inntil det på ettermiddagen blei bestemt å stogge sesjonen som følgje av terrorangrepet i London.
(©NPK)